Usurbilgo kultur ataria duzu hau. Udalerriko kultur mugimenduaren informazioa eskuratuko duzu bertan: ekintzak, eragileak, proiektuak, ekimenak...

Nagusiki, euskal kulturzaleei zuzendutako edukia topatuko duzu hemen. Izan ere, badira urte batzuk udalerriko kultur ekosistemako kideok lanean gabiltzala gero eta euskal kulturzale gehiago sortzeko norabidean.

Euskarazko kulturgintza hauspotzeko, sinetsita gaude herritar sortzaileak behar ditugula (amateurrak nahiz profesionalak); antolatzaileak izango diren herritarrak behar ditugula (herri ekimenetan nahiz erakunde publikoetan); kulturgintzaren industrian jardungo duten profesionalak behar ditugula; kultur kazetaritza jorratuko duten herritarrak behar ditugula; transmisioa bermatuko duten herritarrak behar ditugula (etxean, hezkuntza arautuan, ez arautuan, aisialdian…); euskarazko kultur eskaintza kontsumituko duten herritarrak behar ditugula. Finean, horiek guztiak dira gure udalerriko kultur ekosistemako parte, eta, horregatik, atari honen bidez, horiei guztiei eskaini nahi zaie Usurbilgo kultur mugimenduaren gaineko informazioa.

Gurekin harremanetan jartzeko

943 37 19 99 edo kultura@usurbil.eus / usurbilgokulturgunea@gmail.com