2020an sortutako taldea da Ameba, Usurbilgo festetan ospatzen den bertsio gauaren aitzakipean elkartu ginen gaur egun musika talde hau osatzen dugun lau kide usurbildarrak. Herriko ekimen honetan parte hartu ostean, taldekideok elkartzen jarraitzeko gogotsu izan ginen eta bertatik hasi zen gure proiektua. Pixkanaka gure kantak sortzen joan ginen, sorkuntza prozesuan esperimentatuz eta elkar ezagutuz. Kide batzuk aurretik beste proiektu batzuetan aritutakoak dira, beraz, kulturarekiko izandako esperientziatik ikasitakoa islatzen joan ginen proiektu berri honetan. Covid 19aren ondorioz jasandako etxeratzean sortu genuen lehen diskaren atal handi bat, baldintza berezietan sortutako proiektua izan zen beraz honakoa. 2020an kaleratu genuen ELIKATUZ izeneko lehen diska hau eta 2024an MUNDUARI izeneko bigarren diska kaleratu dugu.